|
SubscriptionsSites I Read
|
|
|
|
| I just posted this Infiniti Weekend Getaways widget for 500 credits. You can earn free credits too! | | |
| 最近係大角嘴做野, 每日早上, 總會係太子地鐵等同事, 再搭的士去, 日日總會經過占美.
這間餅店有一個故事:廿多年前, 婆婆帶我番學一定路經餅店, 而兩婆孫未到餅店一定會估估當日餅店做左幾多個白免仔蛋糕, 到餅店後就數一數, 看誰估中了, 風雨不改...
廿多年後今日我再到餅店買早餐, 好味的排包, 看到餅店門面番新了, 多口問了一句店員是否已轉了老闆, 店員話仍是廿年前的, 而我將故事告訴他們, 看見他們臉上的快樂, 令人心中微笑.
慨嘆已經不再是廿年前的小朋友, 那份純真變得勢利,店員已由少女變了嬸嬸, 唯一感動的是麵包仍保持水準, 故事永遠在心中...
占美餅店 太子太子道西104號地下 | | |
| 今日係立法會投票日, 雖然對D後選人唔太認識, 但仍然盡了公民義務, 去左投票!
之後去左睇中醫, 又去左尖沙嘴, 一個人shopping, 買左一對Converse, 最後仲去左半島買cake, 不過買唔到出名既strawberry roll, 只買左一件Chocolate Choco,同一個Chestnut Tart!!!太太太太好味!
Chocolate Choco有酒, 濃濃既朱古力味!Chestnut Tart D chestnut勁香!
決定要試哂香港有名酒店既餅房!實行Cake-shop Mission [CSM]!
Peninsula Boutique 尖沙咀彌敦道19-21號半島酒店7-9號舖 | | |
| Confirm左雲南之旅!9月27至10月4!終於定左, 好開心!今次一定會影好多好多靚相!
晚上去金不換提早食中秋節飯, 第二次去金不換, 因為上一次大獲好評, 叫左一個魚鬆沙律, 聽講得好少泰國餐廳有得食!一個豬肉生菜包, 一個燒豬頸肉, 上次食過, 真係好好味, 不過個荔枝炒鴨胸, 就比較失色!expect鴨胸會好好味!><
主食有兩個, 一個係泰式炒金邊粉, 一個芋頭肉碎飯, 一樣咁好味!
泰式慶中秋!
金不換泰菜 荃灣大壩街4-30號荃灣廣場地庫 | | |
| 公司有個Godparent system, 哈哈, 我已經做左人地媽媽!今晚約左我個女食飯, 去左想試好耐好耐!今次終於book到檯, 根據同事既提議, 叫左一個雜菌鍚紙燒拼盤, 一碟鹽燒黑豚, 一碟黑味噲特上一口牛舌, 一碟燒汁牛肋骨肉, 一人一碗白飯, 自家奶凍做甜品!
自己動手燒燒燒!都幾得意!而且燒汁牛肋骨肉好正!
盛八日式燒肉店 銅鑼灣怡和街2-6號英光大廈3樓 | | |
|
| View Show | Create Your Own